Twa Corbies - Maddy Prior

As I was walking all alane

I heard twa corbies makin a mane

The tane untae the tither did say-o

Where shall we gang and dine the day-o

Where shall we gang and dine the day

In behint yon auld fell dyke

I wat there lies a new slain knight

And naebody kens that he lies there-o

But his hawk and his hound and his lady fair-o

But his hawk and his hound and his lady fair

His hound is tae the hunting gane

His hawk tae fetch the wild-fowl hame

His lady’s ta’en anither mate-o

So we maun make our dinner sweet-o

So we maun make our dinner sweet

He’ll sit on his white hause-bane

And I’ll pike out his bonny blue een

Wi mony a lock o his gowden hair-o

We’ll theek our nest when it grows bare-o

We’ll theek our nest when it grows bare

Mony a one for him makes mane

But nane shall ken where he is gane

O’er his white bones when they are bare-o

The wind shall blow for ever mair-o

The wind shall blow for ever mair